Părinteasca Dimândare

Părinteasca dimândare
Nă sprigiură cu foc mare,
Frats di mumă shi di-un tată,
Noi, armâñi di eta toată.

Di sum plocili di murmintsî
Strigă-a noshtsă buñi părintsî:
"Blăstem mari s-aibă-n casă
Cari di limba lui s-alasă.

Care-shi-alasă limba lui
S-lu-ardă pira focului,
Să s-dirină yiu pri loc,
Să l'i si friga limba-n foc.

El în vatra-l'i părintească
Fumeal'ia s-nu-shi hărăsească;
Di fumel'i curuñi s-nu bashe,
Nat tu leagăn si nu-nfashe.

Cari fudzi de-a lui mumă
Shi di părinteasca-l'i numă,
Fugă-l'i dhoara Domnului
Shi dultseamea somnului!"

Constantin Belimace